Жедел жәрдем шақырту

«Жедел медициналық көмекті шақыру» мемлекеттік көрсетілетін қызмет стандарты»

1

Көрсетілетін қызметті берушінің атауы

Денсаулық сақтау субъектілері.

2

Мемлекеттік қызметті ұсыну тәсілдері

Денсаулық сақтау субъектілері, ұялы байланыстың абоненттік құрылғысы.

3

Мемлекеттік қызмет көрсету мерзімі

Диспетчер шақыртуды алған сәттен бастап оны өңдеу уақыты бес минутты құрайды, осы уақыт ішінде шақырудың жеделділік санаты бойынша сұрыптау жүргізіледі. Жедел медициналық көмекті шақырудың шұғылдығы санаттарының тізбесіне сәйкес диспетчерден шақыртуды алған сәттен бастап пациенттің тұрған жеріне дейін бригаданың келу уақыты (10 минуттан 60 минутқа дейін).

4

Мемлекеттік қызмет көрсету нысаны

Қағаз / электронды.

5

Мемлекеттік қызметті көрсету нәтижесі

Жедел медициналық жәрдем шақыру.

6

Мемлекеттік қызметті көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері

Тегін.

7

Жұмыс кестесі

Тәулік бойы.

8

Мемлекеттік қызметті көрсету үшін қажетті құжаттар тізбесі

Мемлекеттік қызмет көрсету үшін қажетті мәліметтер

1) пациенттің тегі, аты, әкесінің аты (бар болса), жасы және жынысы;

2) пациенттің жай-күйі жөніндегі деректер және жазатайым оқиғаның, жарақаттың немесе аурудың мән-жайлары;

3) мекенжайы мен телефоны, сондай-ақ пациенттің орналасқан жеріне жол жүру жөніндегі бағдарлы деректер қоса беріледі.

9

Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер

-жоқ

10

Өзге де талаптар мемлекеттік қызметті көрсету ерекшеліктері ескерілген

Денсаулық жағдайы бұзылған жағдайда азаматтардан шақыртулар » 103 » нөмірі бойынша қабылданады.

ЖМЖС диспетчері қабылдаған шақырулар жедел медициналық көмек көрсету қағидаларына сәйкес жеделдіктің 4 (төрт) санатына бөлінеді:

1) шұғылдықтың 1 (бірінші) санатын шақыру-пациенттің өміріне тікелей қатер төндіретін, дереу медициналық көмек көрсетуді талап ететін жай-күйі;

2) шұғылдықтың 2 (екінші) санатын шақыру-пациенттің медициналық көмек көрсетусіз өмірге әлеуетті қатер төндіретін жай-күйі;

3) жеделдіктің 3 (үшінші) санатын шақыру – пациенттің медициналық көмек көрсетусіз денсаулыққа әлеуетті қатер төндіретін жай-күйі;

4) шұғылдықтың 4 (төртінші) санатын шақыру – жіті аурудан немесе созылмалы аурудың асқынуынан туындаған, ағзалар мен жүйелердің кенеттен және айқын бұзылуларынсыз, пациенттің өмірі мен денсаулығына тікелей және ықтимал қатер болмаған кездегі пациенттің жай-күйі.

Жеделдік санатының 1, 2, 3-шақырулары келіп түскен кезде ЖМКС диспетчері автоматтандырылған басқару жүйесі арқылы шақыруды ЖМКС фельдшерлік және мамандандырылған (дәрігерлік) бригадаларына береді.

Шұғылдықтың 4-санатындағы шақыртулар келіп түскен кезде ЖМКС диспетчері автоматтандырылған басқару жүйесі арқылы шақыртуды алғашқы медициналық-санитариялық көмек көрсететін денсаулық сақтау ұйымы жанындағы жедел медициналық көмек бөлімшесінің фельдшерлік және мамандандырылған (дәрігерлік) бригадаларына береді.

ЖМКС диспетчерінен шақырту алған сәттен бастап фельдшерлік және мамандандырылған (дәрігерлік) бригадалардың пациент тұрған жерге дейінгі келу уақыты:

1 жеделділік санаты-он минутқа дейін;

2 жеделділік санаты-он бес минутқа дейін;

3 жеделділік санаты-отыз минутқа дейін;

4 шұғылдық санаты-алпыс минутқа дейін.